19 жніўня ў в.Алашкі Шаркаўшчынскага раёна адбылося традыцыйнае рэгіянальнае свята "Яблычны Спас". Кветкавыя кампазіцыі і духмяныя травяныя чаі прадставілі на свяце ўдзельнікі клуба кветкаводаў "Вяснянка" раённай бібліятэкі. Бібліятэкары Васюкоўскай бібліятэкі і бібліятэкі Дома народнай творчасці в.Буеўшчына частавалі ўдзельнікаў свята ў імправізаваных панадворках стравамі з яблык і інышмі прысмакамі.
13-14 ліпеня бібліятэкар Васюкоўскай бібліятэкі Алена Пагарэлава і бібліятэкар Дома народнай творчасці в.Буеўшчына Наталля Кандрацьева прынялі ўдзел у конкурсе тэатралізаваных пляцовак брэндаў гарадоў і раёнаў Віцебскай вобласці ў рамках ХХVІ Міжнароднага фестывалю мастацтваў "Славянскі базар у Віцебску". Бібліятэкары прадставілі імправізаваны "Фітабар", наведвальнікі якога маглі адведаць духмянай травяной гарбаты і набыць сушаныя лекавыя травы.
6 ліпеня ў дзіцячай бібліятэцы адбылося пасяджэнне літаратурнага гуртка "Жывое слова". Тэмай сустрэчы стаў 135-гадовы юбілей беларускага песняра Янкі Купалы. Спачатку бібліятэкар Людміла Казіцкая пазнаёміла прысутных з жыццёвым і творчым шляхам класіка, а дзеці, у сваю чаргу, пранікнённа чыталі яго вершы і аналізавалі іх.
2 ліпеня 2017 года ў памяшканні раённага Цэнтра культуры адбыўся традыцыйны раённы фестываль "Прыдзісненскія крыніцы". Другі год запар бібліятэкары райцэнтра запрашаюць наведвальнікаў гэтага свята ў "Бібліядвор". Як, вядома, у бягучым годзе ў нашай краіне будзе шырока святкавацца 500-годдзе беларускага кнігадрукавання, таму асноўная ўвага ў афармленні сёлетняга "Бібліядвара" была накіраванна на гэтую важную падзею.
