ДЗЕНЬ НАРОДНАГА АДЗІНСТВА
Да Дня народнага адзінства, які ўпершыню адзначаўся ў нашай рэспубліцы 17 верасня, у бібліятэках ЦБС адбылося шэраг мерапрыемстваў: гутарка-віктарына ”Славянскія карані – наша адзінства“ (дзіцячая бібліятэка), інфармацыйныя гадзіны ”Беларусь – краіна адзінства і згоды“ (Лужкаўская бібліятэка), ”Моя земля – земля единства“ (Радзюкоўская бібліятэка), тэматычнае падарожжа ”Дзень народнага адзінства праз летапіс стагоддзяў“ (раённая бібліятэка), падчас якіх удзельнікі гаварылі аб гісторыі беларускай дзяржаўнасці, сапраўдных каштоўнасцях, прыгажосці беларускай прыроды і беларускіх людзей і прыйшлі да высновы, што толькі ў адзінстве мэтаў і намаганняў мы зможам захаваць і прымножыць дабрабыт і дасягненні нашай дзяржавы.
Германавіцкая бібліятэка да гэтай даты сумесна з Германавіцкім цэнтрам культуры і народнай творчасці арганізавалі і правялі конкурс чытальнікаў ”Пра Радзіму сваю я шмат раскажу“. На мерапрыемстве гучалі вершы П. Панчанкі, Н. Гілевіча, Р. Барадуліна, С. Грахоўскага, М. Танка і інш. Сташкевіч Ульяна, вучаніца 10 класа, паведаміла гістарычныя звесткі аб тым, чаму менавіта 17 верасня адзначае наша краіна Дзень народнага адзінства.
Праведзеныя мерапрыемствы дазволілі кожнаму адчуць сябе часткай вялізнай сям’і – беларускага народа, з’яднацца са сваімі сябрамі, сваёй краінай.
