Свет маіх правоў і абавязкаў
Да Сусветнага дня дзіцяці ў Германавіцкай бібліятэцы для вучняў пачатковых класаў ДУА ”Германавіцкая сярэдняя школа Шаркаўшчынскага раёна“ адбылася гадзіна прававых ведаў ”Свет маіх правоў і абавязкаў“.
На пачатку мерапрыемства бібліятэкар пазнаёміла навучэнцаў з асноўнымі дакументамі, якія рэгламентуюць правы дзяцей - ”Канстытуцыя“, ”Дэкларацыя правоў чалавека“, ”Канвенцыя аб правах дзіцяці“.
Падчас мерапрыемства ўдзельнікі завочна наведалі дзіцячы прававы сайт (mir.pravo.by.), а затым ў гульнёвай форме прайшлі выпрабаванне і змаглі назваць казкі, дзе былі парушаны правы чалавека.
У ходзе мерапрыемства ўдзельнікі павінны былі суаднесці сувязь паўсядзённага жыцця з правамі чалавека. Напрыклад, што я сёння рабіў, і як гэта звязана з правамі чалавека (спаў, абедаў, хадзіў у школу – права на адпачынак, права на адукацыю і г.д.)
Напрыканцы бібліятэкар нагадала ўдзельнікам аб тым, што дзецям неабходна ведаць свае правы і абавязкі, а таксама пра важнасць выканання агульнапрынятых у грамадстве норм.
