Гадзіна прававых ведаў
У Германавіцкай сельскай бібліятэцы-філіяле да Сусветнага дня правоў чалавека прайшла гадзіна прававых ведаў ”Падлетак і закон“, да ўдзелу ў якой былі запрошаны навучэнцы 3 класа ДУА ”Германавіцкая сярэдняя школа Шаркаўшчынскага раёна“.
Напачатку бібліятэкар Таццяна Хоміч расправяла, што падлетак і закон – тэма актуальная, а падлетак і злачынства – паняцці несумяшчальныя. Але гэта, калі ў ідэале. Практыка паказвае: выкараніць такую з’яву, як парушэнне непаўналетнімі закону, не так проста. І разважаць над пытаннем, што падштурхоўвае юных асоб да крыміналу, здзяйснення супрацьпраўных учынкаў, можна бясконца. Але адным з фактараў правапарушэнняў з’яўляецца нізкая правая культура непаўналетніх.
Затым вялася гаворка аб правапарушэннях і іх відах. Бібліятэкар прапаноўвала ўдзельнікам розныя сітуацыі, а яны павінны былі вызначыць, ці з’яўляецца гэта дзеянне прыступным.
Напрыканцы гутаркі навучэнцы спрабавалі адказаць на пытанні: чаму ў грамадстве існуе прыступнасць і што прыводзіць да здзяйснення правапарушэнняў падлеткаў.
Гутарка атрымалася карыснай, бо дзеці павінны разумець, што за правапарушэнні нясуць адказнасць спачатку іх бацькі, а з 14 год за многія правапарушэнні адказнасць нясуць самі дзеці.
