“Зямля бацькоў – мая зямля”
1 верасня для навучэнцаў 10-11 класаў ДУА “Германавіцкая сярэдняя школа” у сценах Германавіцкай бібліятэкі прайшоў першы ўрок у новым навучальным годзе пад назвай “Зямля бацькоў – мая зямля”. Урок садзейнічаў фарміраванню ў вучняў патрыятызму, выхаванню пачуцця годнасці за краіну і яе герояў, абуджэнню цікавасці да гісторыі і культурнай спадчыны роднага краю.
Эпіграфам да ўрока былі абраны словы беларускага песняра Я. Купалы, якія сугучныя з тэмай Года малой радзімы: “Занімай, Беларусь маладая мая, свой пачэсны пасад між народамі”.
Таксама ў ходзе ўрока знайшла сваё адлюстраванне тэма 75-годдзя вызвалення Беларусі ад нямецка-фашысцкіх захопнікаў. Напрыканцы мерапрыемства для навучэнцаў бібліятэкар падрыхтавала падарожжа-віктарыну, у якой былі адлюстраваны пытанні па тэмах: “Беларусь у свеце”, “Спадчына роднай краіны”, “Помнікі архітэктуры Беларусі”, “Беларускія краявіды”, “Гісторыя маёй вёскі”.
