ЗЯМЛЯ БАЦЬКОЎ – МАЯ ЗЯМЛЯ
19 верасня ў раённай бібліятэцы адбыўся семінар бібліятэчных работнікаў на тэму ”Зямля бацькоў – мая зямля“, у якім прыняла ўдзел Л.У. Стома, начальнік аддзела ідэалагічнай работы, культуры і па справах моладзі. У час свайго выступлення Людміла Уладзіміраўна выказала словы ўдзячнасці ўсім тым, хто ўкладвае душу ў складаную і адказную місію работніка бібліятэкі, павіншавала з Днём бібліятэк Беларусі і ўручыла Ганаровыя граматы аддзела ідэалагічнай работы, культуры і па справах моладзі некаторым супрацоўнікам раённай бібліятэкі і сельскім бібліятэкарам.
Аб тым, што краязнаўства –прыярытэтны накірунак дзейнасці бібліятэк нашай ЦБС нагадала загадчыца аддзела бібліятэчнага маркетынгу М .Г. Сушко. У сваім выступленні яна больш падрабязней застанавілася на пошукава-даследчай дзейнасці бібліятэк сістэмы і распавяла аб конкурсе творчых работ на тэму ”Вартыя нашай памяці“, галоўная мэта якога ўзгадаць і захаваць імёны землякоў, якія працай і сваім адметным жыццём ствараюць гісторыю Шаркаўшчынскага раёна. Дзякуючы конкурсу творчых работ, краязнаўчы фонд ў 2019 годзе ўзбагаціўся 9 пошукава-даследчымі творчымі работамі.
Аб ролі дзіцячай бібліятэкі ў грамадзянска-патрыятычным выхаванні дзяцей і падлеткаў распавяла загадчыца дзіцячай бібліятэкі Т. Э. Паляк.
А. Ц. Фромертас, дырэктар ЦБС, і В. А. Мілянцей, старшыня прафсаюзнай арганізацыі ДУК ”Шаркаўшчынская ЦБС“ падвялі вынікі прафесійных конкурсаў: на лепшую выставу літаратуры ”Дарогамі Вялікай Перамогі“, па добраўпарадкаванню бібліятэчнай тэрыторыі ”Упрыгожым родны кут кветкамі“ а таксама за актыўны ўдзел у акцыі ”Пойман за чтением“. Пераможцы конкурсаў былі ўзнагароджаны Дыпломамі і невялікімі сувенірамі.
