Значная падзея
19 верасня Шаркаўшчынская цэнтральная раённая бібліятэка адзначыла 80-гадовы юбілей.
Супрацоўнікі бібліятэкі падрыхтавалі цікавы сцэнарый свята, крэатыўныя фотазоны і выставу творчых работ удзельніц клуба па інтарэсах ”Жаночы час“, адзначылі самых актыўных чытачоў і падзякавалі ўсім прысутным за супрацоўніцтва.
80 год – гэта значная падзея ў жыцці чалавека і ўстановы. З дапамогай электроннай прэзентацыі ўдзельнікі пазнаёміліся з гісторыяй бібліятэкі, яе структурай, цікавымі момантамі жыцця бібліятэкі.
Падчас юбілейнай вечарыны прагучала шмат віншаванняў і шчырых пажаданняў ад кіраўніцтва раёна, калег і чытачоў
Творчы, ініцыятыўны, ідучы ў нагу з часам калектыў упэўнены, што нягледзячы на 80-гадовы ўзрост, у бібліятэкі ўсё яшчэ наперадзе, што яна яшчэ доўгі час будзе радаваць сваіх чытачоў кнігамі, захапляць цікавымі мерапрыемствамі і набываць новых сяброў.