Значная падзея ў жыцці
Юбілей – значная падзея ў жыцці кожнага. 25 красавіка адзначыла 50-гадовы юбілей Святлана Алегаўна Сташкевіч, бібліятэкар Зоркаўскай сельскай бібліятэкі-клуба-філіяла.
32 гады назад прыйшла Святлана Алегаўна ў бібліятэку, каб даць дэкрэтны водпуск асноўнаму работніку. Бібліятэчная работа прыйшлася маладой дзяўчыне да спадобы, бо прафесія бібліятэкара не простая, а вельмі цікавая. У першай палове працоўнага дня бібліятэкар – статыст. Святлана падводзіла вынікі за мінулы дзень і запаўняла Дзённікі работы, займалася расстаноўкай літаратуры, афармленнем кніжных выстаў. Затым, ідучы са школы, у бібліятэку наведваліся юныя чытачы. Якія ж яны розныя! Адзін хоча узяць кнігу не па ўзросту, другі перажывае за адзнакі, а трэцці хоча весяліцца і да кожнага бібліятэкару неабходна знайсці падыход, падняць настрой, дапамагчы выбрать цікавую кнігу.
А паміж гэтым Святлана яшчэ завочна займалася ў Магілёўскім бібліятэчным каледжы імя А.С. Пушкіна. Гадавала сынка Уладзіка, разам з сёстрамі дапамагала матулі весці хатнюю гаспадарку.
У 2022 годзе клопатаў у Святланы Алегаўны стала больш, бо ў абавязкі яе прыбавілася і правядзенне культурна-забаўляльных мерапрыемстваў. Сельская бібліятэка была рэарганізана ў бібліятэку-клуб.
У Святланы Алегаўны шмат задумак і планаў, толькі хацелася б каб здароўе яе не падводзіла, у доме панаваў лад, а чытачы заўсёды былі ўдзячнымі.
Старшыня пярвічнай прафсаюзнай арганізацыі дзяржаўнай установы культуры ”Шаркаўшчынская цэнтралізаваная бібліятэчная сістэма“ Вера Мілянцей павіншавала калегу са знамянальнай падзеяй у жыцці, уручыла кветкі і памятны падарунак.
