Зімовай святочнай парой
У раённай цэнтральнай бібліятэцы для людзей пажылога ўзросту адбылася фальклорная гадзіна ”Зімовай святочнай парой“.
Бібліятэкар Іна Суднік распавяла, што зіма – гэта не толькі самая доўгая пара года, але і самы багаты святамі час. Цяпер ідзе Піліпаўскі калядны пост. У гэты час пажадана рабіць добрыя справы. На падходзе апошняя нядзеля адыходзячага года, а 25 снежня – дзень, калі католікі ва ўсім хрысціянскім свеце святкуюць Божае Нараджэнне.
Затым удзельнікі ўзгадалі народныя святы снежня і пагадзіліся, што нашы продкі імкнуліся назіраць за прыродай і навакольным светам, а назіранні, веды і вопыт зафіксавалі ў народных прыкметах, якія побач з прыказкамі і прымаўкамі ўвайшлі ў нашу родную мову.
За кубкам духмянага чаю прыгадалі некаторыя прыкметы, прымаўкі, вершы і песні пра зіму.
