”Жыву. Пішу. Кахаю“
У Лужкаўскай сельскай бібліятэцы-філіяле адбылася музычна-паэтычная дзея ”Жыву. Пішу. Кахаю“, прымеркаваная да юбілейнага дня нараджэння Аліны Шынкевіч, удзельніцы народнага калектыву літаратурнай творчасці ”Світанак“.
Падчас сустрэчы прагучала шмат мілагучных вершаў паэткі, шчырых слоў удзячнасці, віншаванняў з нагоды юбілею, музычных нумароў і, канечне, не абышлося без жартоўных гульняў для юбіляркі.
Сапраўдным сюрпрызам для паэткі стала відэавіншаванне з днём нараджэння ад дачкі Алены, якая пражывае ў г.Орша, а яшчэ Алена даслала невялікі відэафільм пра жыццё і творчасць Аліны Антонаўны.
Знайшлі час завітаць на свята і старшыня Лужкаўскага сельвыканкама Таццяна Краснадубская і госці з раённага цэнтра – удзельнікі народнага калектыва літаратурнай творчасці ”Світанак“.
Свята праляцела неўзабаве і ўсе яшчэ раз упэўніліся, што мы жывём на цудоўнай зямлі, багатай таленавітымі людзьмі.
