Заслужаная ўзнагарода
У мэтах выхавання любові да роднай мовы і літаратурнай спадчыны беларускага народа, а таксама развіцця і рэалізацыі творчага патэнцыялу літаратурна-мастацкіх здольнасцей грамадзян, падтрымцы іх творчай дзейнасці з пачатку бягучага года аддзел ідэалагічнай работы, культуры і па справах моладзі Шаркаўшчынскага раённага выканаўчага камітэта і Шаркаўшчынскі раённы камітэт грамадскага аб’яднання “Беларускі рэспубліканскі саюз моладзі” праводзіў IV раённы літаратурны конкурс, які быў прысвечаны Году міра і стварэння і 520-годдзю Шаркаўшчыны.
Прыемна адзначыць тое, што кіраўнік народнага літаратурна-музычнага аб’яднання ”Світанак“ Ала Клакоўская адзначыла станоўчую работу літаратурнага клуба”Жывое слова“ дзіцячай бібліятэкі і ўручыла заслужаныя ўзнагароды пяці ўдзельніцам клуба: Ані Пальчэх, Кіры Нікалаевай, Насці Федаровіч, Ані і Каці Рамановіч, якія атрымалі дыпломы III, II і I ступені. Кіраўніку літаратурнага клуба бібліятэкару Людміле Казіцкай і пераможцам конкурсу былі ўручаны салодкія падарункі. Так трымаць, дзяўчынкі!
