ЗАЛАТЫЯ СТАРОНКІ ЗЯМЛІ ШАРКАЎШЧЫНСКАЙ
Бібліятэкар Більдзюгскай бібліятэкі сумесна з Більдзюжскім сельскім Домам культуры правялі для вучняў і настаўнікаў Більдзюжскай срядняй школы літаратурна-музычную гастёўню ”Залатыя старонкі зямлі шаркаўшчынскай“, на якую была запрошана мясцовая паэтка Надзея Вайцюль – чалавек добрай і шчырай душы. Мінула роўна 5 год з таго часу, калі першы паэтычны зборнік Надзеі Іванаўны ”Пра гэта нашаптала душа“ выйшаў з друку. У зборніку шмат вершаў, у якіх адлюстроўваецца прыгажосць беларускіх краявідаў і ўспаміны дзяцінства, пачуццё і разважанні паэткі.
Пад час мерапрыемства Надзея пазнаёміла прысутных з яе вершамі, якія адлюстроўваюць думкі на спрадвечныя тэмы, што хвалююць сумленнага чалавека.
Шмат цёплых слоў і пажаданняў у гэты дзень прагучала для Надзеі Іванаўны. Прысутныя былі задаволены магчымасцю пагутарыць з паэткай, якая сваім талентам праславіла нашу малую радзіму.
Удзельнікі мерпрыемства пазнаёміліся з выставай літаратуры ”Шаркаўшчынскім краем ганаруся“, на якой была прадстаўлена пазнавальная і мастацкая літаратура пра шаркаўшчынскі край.
