Залаты юбілей
27 сакавіка адзначыла залаты юбілей прыгожая інтэлігентная жанчына, пяштотная маці, верная жонка, наша калега – Наталля Віктараўна Кандрацьева. Юбілей - гэта важная падзея ў жыцці кожнага чалавека, а калі яна яшчэ і звязана з лічбай 50, то свята набывае асаблівы сэнс.
У гэты дзень шчырыя словы павагі, цёплыя віншаванні і пажаданні гучалі для бібліятэкара Буеўшчынскай сельскай бібліятэкі-клуба-філіяла ад старшыні пярвічнай прафсаюзнай арганізацыя ДУК “Шаркаўшчынская ЦБС” Веры Мілянцей і дырэктара ЦБС Таццяны Райчонак. Супрацоўнікі сектара бібліятэчнага маркетынгу і сацыякультурнай дзейнасці разыгралі для імянінніцы шутачную сцэнку Приём в клуб ”Кому за 50” з уручэннем пасведчання і юбілейнага медалю.
За кубкам духмянага чаю і смачнага торту Наталля Віктараўна прыгадала прыемныя моманты сваёй працоўнай дзейнасці і прызналася, што сэрцам прырасла да сваіх чытачоў, ведае іх густы і запатрабаванні, заўсёды імкнецца зрабіць кожнае мерапрыемства цікавым, з асаблівай разыначкай, новым элементам.
Патрэбна было бачыць, як іскрыліся яе вочы, калі жанчына распавядала пра поспехі сваіх дзяцей і дэманстравала цікавыя фотаздымкі з сямейнага альбома.
У Н. В. Кандрацьевай шмат планаў і задумак як у прафесійнай дзейнасці так і ў асабістым жыцці. Шчыра жадаем, каб ва ўсіх пачынаннях ёй заўсёды спадарожнічаў поспех, а сямейны ачаг хай заўсёды гарыць нязгасным полымем.
