Заўсёды ў памяці народнай
У цэнтральнай раённай бібліятэцы да 100-гадовага юбілею беларускага пісьменніка Беларусі Васіля Быкава адбыўся літаратурны ўспамін ”Заўсёды ў памяці народнай“, у якім прынялі ўдзел наведвальнікі аздараўленчага лагеру ”Юны патрыёт“ ДУА ”Сярэдняя школа №1 г.п. Шаркаўшчына“ .
Бібліятэкар Іна Суднік на пачатку мерапрыемства адзначыла, што 2024 год – знамянальны год, у якім адзначаецца 80-годдзе вызваленне Беларусі ад нямецка-фашысцкіх захопнікаў. Вялікая Айчынная вайна – цэлая эпоха ў жыцці савецкага народа. Кожнае новае пакаленне адкрывае ва ўроках Вялікай Айчыннай вайны нешта новае, вельмі актуальнае менавіта сёння, у адкрыццях якіх ім дапамагаюць літаратурныя творы. Затым увага ўдзельнікаў была звернута на творчасць Васіля Быкава, які пісаў пра вайну, і яго героямі з’яўляліся радавыя салдаты і малодшыя камандзіры, дзейнічаючыя ў эксрэмальных умовах. Удзельнікі з цікавасцю паглядзелі буктрэйлер, зроблены супрацоўнікамі бібліятэкі па самай вядомай аповесці аўтара – ”Альпійскай баладзе“.
Арсеній Ткачонак і Канстанцін Сцяпанаў, наведвальнікі аздараўленчага лагеру, чыталі вершы, прысвечаныя Васілю Быкаву.
А ў дзіцячай бібліятэцы падчас літаратурнай гадзіны ”Сын сваёй зямлі“ наведвальнікі аздараўленчага лагеру ”Сонейка“ ДУА ”Сярэдняя школа № 2 г.п. Шаркаўшчына імя Героя Савецкага Саюза Рамана Сцяпанавіча Кудрына“ з цікавасцю паглядзелі відэафільм аб беларускім пісьменніку, патрыёту сваёй зямлі – Васілю Быкаву і шукалі адказ на пытанне: ”Што такое вайна і як любіць сваю Радзіму?“
