З роднай мовай на ”ты“
У раённай цэнтральнай бібліятэцы з навучэнцамі 9 класа ДУА ”Сярэдняя школа №1 г. п. Шаркаўшчына“ адбылася гутарка-абмеркаванне ”З роднай мовай на ”ты“, прымеркаваная да Міжнароднага дня роднай мовы.
Напачатку бібліятэкар Іна Суднік распавяла ўдзельнікам чаму менавіта 21 лютага адзначаецца Міжнародны дзень роднай мовы.
Падчас мерапрыемства гучалі прыказкі, загадкі, крылатыя выразы аб беларускай мове. Чытаючы ўрыўкі з паэмы Якуба Коласа ”Новая зямля“, удзельнікі вынайшлі словы, якія не ўжываюцца ў наш час. З дапамогай слоўнікаў знаходзілі іх тлумачэнне.
Напрыканцы мерапрыемства бібліятэкар адзначыла, што сёння ў свеце шмат цудоўных моў. Адны з іх вабяць сваёй прыгажосцю і непаўторнасцю, другія – мілагучнасцю. Кожная нацыя мае сваю родную мову. Мова нашага роду – беларуская! Яшчэ ў 1910 годзе на міжнароднай канферэнцыі ў Парыжы па мілагучнасці беларуская мова была пастаўлена на другое месца пасля італьянскай. Такой мовай можна і неабходна ганарыцца!
