Як не стаць ахвярай?
Злачынства супраць жыцця, здароўя, палавой недатыкальнасці і палавой свабоды непаўналетніх з’яўляецца небяспечнай з’явай у грамадстве і ўяўляе сабой адну з найбольш негатыўных форм асацыяльных паводзін. Каб звесці гэту з’яву да мінімума, неабходна данесці да дзяцей і падлеткаў інфармацыю аб гвалце, аб магчымасцях яго папярэджвання і прыняцці правільнага рашэння ў складанай жыццёвай сітуацыі.
З гэтай мэтай вучням старэйшых класаў ДУА ”Лужкаўская сярэдняя школа Шаркаўшчынскага раёна“ было прапанавана прыняць удзел у калектыўнай гутарцы ”Как не стать жертвой насилия“.
Бібліятэкар расказала прысутным аб тым, хто можа стаць ахвярай гвалту і яго формах, аб асаблівасцях паводзін дарослых, якія здзяйсняюць розныя віды гвалту, пазнаёміла з сумнай статыстыкай фізічнага і сэксуальнага гвалту над дзецьмі, з заканадаўчай базай Рэспублікі Беларусь, якая рэгулюе пытанні гвалту, а таксама зарыентавала, хто і куды можа звярнуцца за дапамогай. Дзеці атрымалі рэкамендацыі аб тым, як сябе паводзіць, калі аказаліся ў складанай сітуацыі. Гутарка суправаджалася элементамі трэнінгу, дзе трэба было намаляваць фотаробат ахвяры і гвалтоўніка, разгледзіць розныя сітуацыі і вызначыць, хто ахвяра, гвалтоўнік і якая форма гвалту прысутнічае ў кожнай сітуацыі, з прапанаваных пачуццяў трэба было выбраць тыя, якія адчувае ахвяра і агрэсар падчас гвалтоўных дзеянняў.
Для больш глыбокага ўспрымання і асэнсавання дадзенай тэмы, падлеткам быў падрыхтаваны агляд мастацкіх твораў ”Детская и подростковая жестокость в художественной литературе“, затым кожны атрымаў памятку ”Защити себя“ і буклет ”Дом без насилия“, дзе змешчаны нумары тэлефонаў даверу экстраннай псіхалагічнай дапамогі.
