Яблычны Спас прыйшоў да нас
Бібліятэкар дзіцячай бібліятэкі-філіяла Таццяна Брандзіна прыняла ўдзел у акцыі ”Увага — дзеці!“, падчас якой яна разам з прадстаўнікамі маладзёжнага крыла раённай арганізацыі грамадскага аб’яднання ”Беларускі саюз жанчын“ і супрацоўнікамі Шаркаўшчынскага РАУС наведалі выхаванцаў сацыяльна-педагагічнага цэнтра.
Госці ўручылі дзецям шматлікія пачастункі, а Таццяна Брандзіна, нават, прапанавала выханцам прыняць удзел у конкурсна-забаўляльнай праграме ”Яблычны Спас прыйшоў да нас“. Хлопчыкі і дзяўчынкі даведаліся, што Яблычны Спас лічыўся галоўным святам лета і яго значэнні для праваслаўнай царквы. На працягу мерапрыемства выхаванцы адгадвалі загадкі, удзельнічалі ў забаўляльных конкурсах, называлі прыказкі і прымаўкі пра яблыкі, лета і кнігі.
