Выдатны прыклад для моладзі
16 лютага ва ўрачыстай абстаноўцы ў Германавіцкім Цэнтры культуры і нацыянальнай творчасці адбылося мерапрыемства пад назвай ”Мае землякі – мой гонар“, падчас якога адбылося ўшанаванне ветэранаў працы і сённяшніх працаўнікоў вёскі, якія сваёй самаадданай працай ўнеслі вялікі ўклад у развіццё аграгарадка Германавічы.
Ганаровага звання ”Гордость агрогородка“ у намінацыі ”Культура“ была ўдастоена Ірына Віктараўна Абламава, якая 32 гады прысвяціла развіццю бібліятэчнай справе ў аграгарадку Германавічы. Прафесійны шлях Ірыны Віктараўны заўжды быў насычаны творчым пошукам і ініцыятывай. Яна заўсёды прыходзіла на дапамогу чытачам, дапамагала выбраць патрэбную кнігу. Шмат мерапрыемстваў праводзіла Ірына Віктараўна ў накірунку папулярызацыі беларускай нацыянальнай культуры, гісторыі роднага краю, беларускай мастацкай літаратуры сярод дзяцей і моладзі.
За актыўную і плённую працу І. В. Абламава неаднаразова ўзнагароджвалася ганаровымі граматамі.
Больш дзясяці год Ірына Віктараўна знаходзіцца на заслужаным адпачынку, але ў калектыве ДУК ”Шаркаўшчынская ЦБС“ і сёння памятаюць пра яе. І.В. Абламава – выдатны прыклад для моладзі.
