ВЯСЕННІ СЕРПАНТЫН
У рамках комплекснай праграмы ”Ад роднай мовы і культуры да чалавецтва крок зрабі“ ўсімі фарбамі сонечнага сакавіцкага дня, вясёлага настрою і ўсмешак для выхаванцаў Гарадзецкага дзіцячага яслі-сада закружыўся вясенні серпантын ”Пришла весна как фея в доброй сказке“, які падрыхтавалі і правялі бібліятэкары Лужкаўскай бібліятэкі.
У час мерапрыемства дзеці даведаліся шмат новага і цікавага пра цудоўную пару года – вясну. Яны наперабой адгадвалі вясновыя загадкі, удзельнічалі ў віктарынах, збіралі цудоўныя, чароўныя пацеркі, каб падарыць іх дарагім мамам, танчылі і спявалі разам з героямі дзіцячых кніг – Вясной, Клоўнам, Курачкай Рабай, Кошкай і Лялькай.
