Вялікай Перамозе прысвячаецца
У бібліятэках ДУК ”Шаркаўшчынская ЦБС“ да Дня Перамогі адбылося шэраг мерапрыемстваў.
З 2 па 10 мая ў Лужкаўскай сельскай бібліятэцы праходзіў Тыдзень ваенна-патрыятычнай кнігі “В книжной памяти мгновения войны”, падчас якога наведвальнікі бібліятэкі мелі магчымасць не толькі пазнаёміцца з літаратурай, якая распавядала аб асноўных вехах вайны ад пачатку абароны Брэсцкай крэпасці і да капітуляцыі фашысцкай Германіі, але і здейсніць завочнае падарожжа па месцах ваеннай славы і памяці. Завяршыўся Тыдзень тэатралізаванай літаратурна-музычнай імпрэзай ”Деды и прадеды, мы помним!“, падчас якога гучалі песні ваенных гадоў, дэкламаваліся вершы паэтаў, якія самі перажылі ўсе жахі ваеннага ліхалецця.
У дзіцячай бібліятэцы адбылася тэатралізаваная гадзіна, падчас якой бібліятэкар Л.Казіцкая разам з удзельнікамі літаратурнага клуба ”Жывое слова“ вялі гаворку на тэму ”Чаму мы павінны гаварыць аб вайне?“
Бібліятэкар Германавіцкай сельскай бібліятэцкі падчас урока-рэквіема ”Дзеці вайны“ з дапамогай электроннай прэзентацыі паспавяла пра гераічны подзвіг піянераў-герояў.
”Яны адстаялі вясну“ – такую назву мела гадзіна мужнасці, якая адбылася ў Велікасельскай сельскай бібліятэцы. Падчас мерапрыемства бібліятэкар распавяла ўдзельнікам пра ветэранаў-землякоў, разам з імі перагарнула старонкі кнігі ”Памяць. Шаркаўшчынскі раён“, на старонках якой змешчана шмат матэрыялаў пра часы Вялікай Айчыннай вайны.
Бібліятэкар Р. Гракава наведалася ў аддзяленне рэабілітацыі і абілітацыі інвалідаў ДУ ”Тэрытарыяльны цэнтр сацыяльнага абслугоўвання Шаркаўшчынскага раёна“ і падчас літаратурнай гадзіна ”Прочти книгу о войне“ распавяла аб пісьменніках-франтавіках і творах пра вайну і заклікала кожнага наведвальніка аддзялення прачытаць ваенную кнігу.
Падчас урачыстых мітынгаў ”Вспомним героев священной войны“ і ”Мы схіляемся. Мы памятае. Мы ганарымся “, якія арганізавалі і правялі загадчыцы Буеўшчынскай і Зоркаўскай сельскіх бібліятэк-клубаў, удзельнікі ўшанавалі хвілінай маўчання ўсіх загінуўшых на палях бітваў і да воінскіх пахаванняў землякоў-франтавікоў усклалі кветкі.
