Вялікае свята
Кожны год па традыцыі ў час вясновых канікул у бібліятэках нашай ЦБС праходзіць Тыдзень дзіцячай і юнацкай кнігі. Падчас Тыдня для юных чытачоў і аматараў літаратуры ў бібліятэках адбылося шэраг мерапрыемстваў, накіраваных на папулярызацыю дзіцячай кнігі і чытання сярод дзяцей і падлеткаў.
У Іёдскай сельскай бібліятэцы Тыдзень распачаўся літаратурным свята ”Вялікае свята, дзе кніг багата“, напачатку якога бібліятэкар распавяла дзецям пра важнасць чытання, кнігі ў жыцці кожнага чалавека, а таксама які няпросты шлях праходзіць кніга, перш чым трапіць да чытача. Затым удзельнікі здейснілі падарожжа па казках, ўдзельнічаючы ў розных конкурсах і выпрабаваннях.
Юныя чытачы Германавіцкай сельскай бібліятэкі падчас правядзення казачнага каламбура ”Вас у казку добрую клічам“, літаратурнага марафону ”Книжное царство – мудрое государство“, конкурснай праграмы ”Хто самы ўважлівы чытач“ акунуліся ў атмасферу вясёлага духу спаборніцтва і знаходлівасці. Яны актыўна ўдзельнічалі ў конкурсах, адгадвалі загадкі, крыжаванкі, выконвалі творчыя заданні: уявіць сябе мастакамі і намаляваць вокладку да зборніка казак, самім прыдумаць казкі з зададзенымі галоўнамі героямі.
У Дворнаўскую сельскую бібліятэку да ўдзелу ў літаратурнай віктарыне ”В волшебной сказочной стране“, прымеркаванай да 225-годдзя з дня нараджэння А.С. Пушкіна, завіталі госці з гарадоў Мінска, Віцебска, Наваполацка, якія прыехалі на адпачынак да бабуль у вёску.
Для таго, каб чытачам Тыдзень надоўга запомніўся, бібліятэкары для іх прыдумлялі штосьці цікавае і незвычайнае.
Весела, яскрава і запамінальна ў дзіцячай бібліятэцы прайшоў лялечны спектакль ”Ехаў поўны воз дзівос...“. Удзельнікі літаратурнага клуба ”Жывое слова“, юныя акцёры з пальчаткавымі лялькамі на руках, разам з бібліятэкарам загадвалі загадкі пра з’явы прыроды, раслінны і жывёльны свет. Удзельнікі мерапрыемства змагаліся ў конкурсе скарагаворак, падарожнічалі па чароўным свеце беларускіх прыказак і прымавак.
У Лужкаўскай сельскай бібліятэцы падчас студыі гульнявога чытання “С книгой не скучаем” удзельнікі мерапрыемства з задавальненнем зазірнулі ў свет казачнай літаратуры з незвычайнымі прыгодамі і фантастыкай, адкрылі свет цікавых дзіцячых кніг пра жывую і нежывую прыроду, гісторыю роднай зямлі і ўнікальныя скарбы Беларусі.
У гэтыя дні ў дзяцей была магчымасць паўдзельнічаць у літаратурных гульнях-віктарынах ”Экологическое ассорти“ (Каўшэлеўская сельская бібліятэка), ”Адгадай твор па першаму слову“ (Велікасельская сельская бібліятэка), літаратурнай квэст-гульні ”Мы будем сказки узнавать, шутить, отгадывать, играть!“ (Васюкоўская сельская бібліятэка), завочна павандраваць па сцяжынках Белавежскай Пушчы падчас відэалекторыя ”Заповедными тропами Беловежской Пущи“ (дзіцячая бібліятэка).
Тыдзень дзіцячай кнігі скончыўся, але не будзем сумаваць, таму што ў наступным годзе ён зноў завітае і падорыць нам чароўны незабываемы час сустрэчы з кнігай. А пакуль давайце проста чытаць і любіць кнігу!
