Вітаем цябе, кніга!
Цікавае падарожжа ў свет друкаванага слова адбылося ў Буеўшчынскай сельскай бібліятэцы-клубе-філіяле ў межах вуснага часопіса ”Вітаем цябе, кніга!“, прымеркаванага да Дня беларускага пісьменства.
Бібліятэкар адкрыла для дзяцей таямніцы кніжнай гісторыі, распавяла пра подзвігі беларускіх асветнікаў і спадчыну Францыска Скарыны, перанесла ўвагу слухачоў у полацкі Музей кнігадрукавання. Святочны настрой падтрымалі гульні і конкурсы: дзеці праявілі эрудыцыю ў адгадванні загадак і прыказак, а таксама далі волю фантазіі, размалёўваючы ”буквіцу“. Атмасферу свята дапоўніла выстава лепшых кніжных выданняў.
