ВАРТЫ НАШАЙ ПАМЯЦІ
На працягу бягучага года бібліятэкар Васюкоўскай бібліятэкі-філіяла № 9 займалася зборам матэрыялаў аб былым старшыні калгаса “Шлях Леніна” Сцяпану Іосіфавічу Пармоне, пад старшынствам якога гаспадарка лічылася лепшай у раёне. Гэта быў адданы роднай зямлі чалавек, якога добра памятаюць людзі старэйшага паклення і якога павінна ведаць моладзь.
Алена Уладзіміраўна гутарыла з землякамі, вяла перапіску з роднымі, збірала фотаздымкі, іншыя асабістыя рэчы С.І. Пармона.
Краязнаўчы матэрыял пад назвай “З любоўю да жыцця і працы”, прысвечаны С.І. Пармону, карыстаецца вялікім попытам сярод аднавяскоўцаў.
