Удзел у “Зажынках”
У мінулую пятніцу ў ААТ “Агратэхсэрвіз” ладзілася адно з самых важных і адметных для работнікаў сельскай гаспадаркі гадавых святаў – “Зажынкі”, якое па даўняй традыцыі праводзіцца перад пачаткам масавага жніва. Жніво – пара асаблівая. У гэты час нічога няма важней, чым спаўна ўбраць вырашчаны ўраджай.
Урачыстасць пачалася са жніўных песень, якія ўслаўляюць нашу зямлю-карміцельку, у выкананні работнікаў Навасёлкаўскага клуба і бібліятэкі.
У ролі жняі бібліятэкар Марына Фёдарава сярпом зжала каласы ў сноп новага ўраджаю. З пажаданнямі вялікага хлеба і добрага надвор’я ўручыла залацісты сноп гаспадару жніва – М. Б Кавалёнку.
