“У гасцях у беларускай казкі”
Бібліятэкар Велікасельскай бібліятэкі-філіяла №12 правяла мерапрыемства для малодшых школьнікаў ДУА “Велікасельская ДС – СШ” пад назвай “У гасцях у беларускай казкі”.
Дзеці даведаліся, што казкі бываюць народныя і аўтарскія, бібліятэкар пазнаёміла вучняў з новымі выданнямі беларускай аўтарскай казкі, а таксама з кнігай “Казкі пра Шаркаў-Град”, якая зусім нядаўна ўбачыла свет дзякуючы ўдзельнікам клуба “Жывое слова”, які існуе пры дзіцячай бібліятэцы-філіяле №1 г.п. Шаркаўшчына.
У канцы мерапрыемства дзеці адказвалі на пытанні віктарыны, разгадвалі загадкі і слухалі ўрыўкі з некаторых казак. Кожны жадаючы мог узяць кнігу, как прачытаць яе дома.
