ТЫДЗЕНЬ ДЗІЦЯЧАЙ І ЮНАЦКАЙ КНІГІ У ГЕРМАНАВІЦКАЙ БІБЛІЯТЭЦЫ
Кожны год па традыцыі ў канцы сакавіка Германавіцкая бібліятэка збірае юных чытачоў і аматараў літаратуры на Тыдзень дзіцячай і юнацкай кнігі. У рамках яго ў бібліятэцы прайшло шэраг мерапрыемстваў, накіраваных на папулярызацыю дзіцячай кнігі і чытання сярод дзяцей і падлеткаў: экскурсіі па бібліятэцы, гульня КвіЗ ”З рога ўсяго многа“, конкурсная праграма ”Падарожжа ў краіну казак і прыгод“, інтэлектуальная гульня ”Што, дзе, калі?“, падарожжа па навукова-пазнавальнай серыі кніг Г. і С. Трафімывых ”Расказы Дзеда Прыродаведа“ і інш. Дзеці мелі магчымасць пазнаёміцца з самымі каштоўнымі выданнямі для дзяцей усіх школьных узростаў. На працягу тыдня працавала кніжная выстава ”З крыніц народнай мудрасці“.
Напрыканцы былі падведзены вынікі тыдня дзіцячай і юнацкай кнігі. Усе ўдельнікі атрымалі салодкія прызы і сувеніры. На ўсіх мерапрыемствах дзеці былі вельмі актыўнымі. Правядзенне тыдня дзіцячай і юнацкай кнігі ў бібліятэцы — гэта візітная картка бібліятэкі для новых юных чытачоў.
