ТЫДЗЕНЬ ДЗІЦЯЧАЙ І ЮНАЦКАЙ КНІГІ Ў БІБЛІЯТЭКАХ
Кожны год па традыцыі ў канцы сакавіка бібліятэкі нашай ЦБС запрашаюць юных чытачоў і аматараў літаратуры на Тыдзень дзіцячай і юнацкай кнігі. У рамках Тыдня ў бібліятэках прайшло шэраг мерапрыемстваў, накіраваных на папулярызацыю дзіцячай кнігі і чытання сярод дзяцей і падлеткаў: экскурсій па бібліятэцы, літаратурна-забаўляльных гульняў і конкурсаў, віктарын, квэст-гульняў і гучных чытанняў.
Падчас конкурса-гульні ”Падарожжа ў краіну ”Літаратурная“ юныя чытачы Більдзюгскай сельскай бібліятэкі сустрэліся з казачнымі героямі, разам з якімі адгадвалі загадкі, удзельнічалі ў шматлікіх конкурсах. Напрыканцы мерапрыемства прайшоў майстар-клас ”Весенняя птицы из бумаги“.
Іёдская сельская бібліятэка правяла свята чытанны ”Кніга – мудры дарадчык і сябра“. Каралева Кніга ветліва сустрэла падданых у сваім каралеўстве і распавяла гісторыю ўзнікнення свята.
На працягу мерапрыемства юныя сябры кнігі спаборнічалі з Бабай Ягой, прымалі ўдзел у цікавых конкурсах і віктарынах.
”Читайте сами, читайте с нами!“ – дэвіз літаратурнай палянкі, якую арганізавала бібліятэкар Верацееўскай сельскай бібліятэкі для чытачоў малодшага і сярэдняга школьнага ўзросту. Хлопчыкі і дзяўчынкі з задавальненнем удзельнічалі ў віктарыне казак. Ім неабходна было не толькі назваць героя казкі, але і краіну, з якой герой з’явіўся і, нават, на якім транспартным сродку прыехаў.
Спадабаліся аматарам літаратуры і гучныя чытанні беларускіх народных казак па ролях.
Праз розныя выпрабаваніі прыйшлося прайсці ўдзельнікам квэст-гульні ”В поисках сокровищ Гудвина“, якая адбылася ў Радзюкоўскай сельскай бібліятэцы. Як вынік – сябры прыгод каля магутнага дуба, які расце непадалёку ад бібліятэкі, знайшлі клад – каробку цукерак.
Правядзенне тыдня дзіцячай і юнацкай кнігі ў бібліятэках – гэта свята адкрыцця новых імён, герояў і аўтараў кніг.
