Традыцыі і інавацыі ў рабоце бібліятэк
16 мая на базе дзіцячай бібліятэкі для сельскіх бібліятэк сістэмы адбыўся семінар на тэму ”Традыцыі і навацыі ў рабоце бібліятэк“.
Падчас семінару для бібліятэчных работнікаў прагучалі метадычныя рэкамендацыі па ўкараненню інавацыйных формаў работы, якія агучыла загадчыца аддзела бібліятэчнага маркетынгу Г. Гарлуковіч.
Удзельнікі семінару разам з бібліятэкарам аддзела М.Сушко вандравалі па старонках прафесійнага часопіса ”Бібліятэчны свет“ , ”Краязнаўчай газеты“ і газеты ”Культура“, дзе знаёміліся з інавацыйнымі формамі работы як абласных, так і сельскіх бібліятэк Рэспублікі Беларусь. А каб вандроўка была больш яскравай і лепш запоўнілася, яе дапоўніла электронная прэзентацыя ”Інавацыйныя формы работы ў бібліятэках Рэспублікі Беларусь“.
Метадыст аддзела падчас выступлення звярнула ўвагу прысутных на тое, што бібліятэкі Беларусі даўно адышлі ад звыклых канонаў, а традыцыйныя функцыі ў сінтэзе з новымі формамі культурнай дзейнасці і дасягненнямі інфармацыйных тэхналогій ствараюць камфортнае бібліятэчнае асяроддзе, пашыраюць кола карыстальнікаў. В.Мілянцей прапанавала бібліятэкарам адказаць на пытанні анлайн-віктрарыны ”Знаете ли вы историю Шарковщины?“, а затым правяла майстар-клас па стварэнні анлайн-віктарын ў праграме Learning Apps.
Напрыканцы семінару адбыўся абмен вопытам, у час якога бібліятэкары падзяліліся сваімі інавацыйнымі распрацоўкамі і задумамі.
