Тэатралізаваная імпрэза
Напярэдадні Вадохрышча, якое праваслаўныя вернікі адзначаюць 19 студзеня, у дзіцячай бібліятэцы-філіяле адбылася тэатралізаваная імпрэза ”Ідзе Каза па Калядзе“.
Удзельнікі мерапрыемства, навучэнцы 6”А“класа ДУА ”Сярэдняя школа №1 г.п. Шаркаўшчына“, з цікавасцю паслухалі аповед бібліятэкара аб тым, што ў свята Вадохрышча Царква ўслаўляе Ісуса Хрыста, які прайшоў абрад асвячэння вадой і прыняў веру. Біблія абвяшчае, што абрад хрышчэння над Ісусам правёў Ян Хрысціцель. Падчас абраду на Збавіцеля сышоў Святы Дух у выглядзе голубка, менавіта ў гэты момант нябесны голас абвясціў, што Ісус Хрыстос – Сын Божы, любімы і адзіны, які нясе свету добрую волю. Нагадала, што Вадохрышча яшчэ назывецца Богаяўленнем.
Затым размова пайшла аб традыцыях і абрадах беларусаў, аб тым як на Святкі, перад Вадохрышчам, нашы продкі праводзілі вечары. Для ўдзельнікаў была праведзена гульня ”Чароўны кошык“, якая дапамагла кожнаму прадказаць, што яго чакае ў новым годзе. Заплюшчаўшы вочы, удзельнікі па чарзе выцягвалі прадметы з кошыка: яблык - доўгая маладосць і моц, шчэпка - дужае здароўе, капейка - багацтва ў сям'і, бульба - шчасце і гэдак далей.
Напрыканцы сустрэчы з задавальненнем паглядзелі відэафільм ”Казачка пра Казу і Каляду“.
