Святыя Грамніцы
У Буеўшчынскай сельскай бібліятэцы-клубе-філіяле адбылася гадзіна духоўнасці ”Святыя Грамніцы“.
Напачатку мерапрыемства бібліятэкар Наталля Кандрацьева распавяла, што Грамніцы – дзень сустрэчы зімы з летам, свята свечкі і
” жывога агню“, які ачышчае і абараняе чалавека ад злых духаў. Адно з нерухомых святаў народнага календара, якое адзначаецца 2 лютага ў католікоў, 15 лютага – у праваслаўных вернікаў. Ад Раства Хрыстова да Стрэчання якраз прайшло 40 дзён.
Затым удзельнікі мерапрыемства прыгадалі прыкметы надвор’я на гэты дзень. Напрыклад, жанчыны расказалі, калі на Грамніцы нап’ецца певень вадзіцы, то на Юр’я наесца вол травіцы.
Напрыканцы бібліятэкар прапанавала пазнаёміцца з духоўнай літаратурай па тэматыцы мерапрыемства.
