Святкаванне Масленіцы ў бібліятэках
Масленіца – адно з самых вясёлых свят у годзе, які шырока адзначаецца па ўсёй Беларусі. Яно адлюстроўвае векавыя традыцыі, якія беражліва захоўваюцца і перадаюцца з пакалення ў пакаленне. Менавіта па гэтай прычыне нашы бібліятэкі падрыхтавалі і правялі для сваіх чытачоў забаўляльныя мерапрыемствы.
На працягу масленічнага тыдня наведвальнікі Лужкаўскай сельскай бібліятэкі знаёміліся з традыцыямі, гульнямі і забавамі нашых продкаў у час праводзін зімы, а таксама са значэннем кожнага масленічнага дня. Святочны настрой прысутным падняў ўдзел у віктарыне з імправізаванымі блінамі – лісткамі паперы ў выглядзе румянага бліна з жартоўным заданнем, дзе трэба было выбраць правільнае заканчэнне прыказкі: ”Першы блін…“ (комам), уставіць недастаючае слова ў прыказку: ”Блін не клін, … не расколе“ (палена), адказаць на пытанні: ”У якіх спартсменаў ёсць пальчаткі пад назвай блінчыкі“ (баксёры), ”З чым ядуць часцей за ўсё бліны ў Канадзе?“ (з кляновым сіропам), ”Як гавораць пра няўмелага чалавека, непрыстасаванага да працы?“ (блін гарэлы) і г. д.
На вясёлай ноце з пажаданнямі радасці і дабра закончыўся масленічны тыдзень у бібліятэцы, каб развітацца з зімой, чакаць вясну і сустрэць Вялікі пост.
У Буеўшчынскай сельскай бібліятэцы-клубе для ўдзельнікаў клуба па інтарэсах ”Скарбніца“ адбыўся ”Масленічны разгуляй“. Бібліятэкар расказала пра традыцыі святкавання Масленіцы ў родным краі, народныя прыметы на Масленічны тыдзень. Удзельніцы клуба прынеслі бліны з рознай начынкай. Салачонак Ала Вацлаваўна падрыхтавала ”Гаспадыню“ свята. Кожная з удзельніц ”абараняла“ свае бліны, склаўшы вершы пра свята, бліны. Напрыканцы мерапрыемства ўдзельнікі частаваліся духмянай гарбатай з блінамі і прасілі прабачэння адзін у аднаго ў Даравальную нядзелю.
