“Святая Еўфрасіння, альбо адкуль пайшла Полацкая зямля”
Еўфрасіння Полацкая – святая, якую здаўна шануюць як нябесную заступніцу беларускай зямлі. Вечную памяць і любоў народа яна заслужыла сваім ахвярным жыццём, прысвечаным асвеце нашых продкаў. Князёўна, ігумення, выдатная асветніца, першая жанчына на Русі, якую царква кананізавала ў святыя.
У 2019 годзе споўнілася 915 год з дня нараджэння беларускай асветніцы. Бібліятэкар дзіцячай бібліятэкі акцэнтавала ўвагу на гэтай знакавай постаці і 20 чэрвеня была праведзена пазнавальная праграма “Святая Еўфрасіння, альбо адкуль пайшла Полацкая зямля”, якая прайшла для вучняў 3 – 6 класаў ДУА “Сярэдняя школа №2 г.п. Шаркаўшчына”. Пад час праграмы расказвалася пра Полацкае княства, слаўны род Рагвалода, жыціе Еўфрасінні, святы Крыж Еўфрасінні Полацкай і яго стваральніка – Лазара Богшу.
Значны след пакінула ў гісторыі і памяці беларускага народа Еўфрасіння, гэта жанчына, якая поўнасцю аддала сваё жыццё на служэнне Богу і людзям.
