Свята салодкіх прысмакаў
Для ўдзельнікаў летняга лагеру працы і адпачынку "Ровестник", які працуе пры ДУА "Лужкаўская СШ Шаркаўшчынскага раёна" адбыўся дзень гурмана "Свята салодкіх прысмакаў" прысвечаны Міжнароднаму дню торта.
Напачатку мерапрыемства ўдзельнікаў пазнаёмілі з гісторыя ўзнікнення такога не зусім звычайнага свята. І вось, калі надышоў час пачаставацца гарбатай і тортам, высветлілася, што гэты салодкі прысмак дзесьці прапаў. І вось каб адведаць гэтага салодкага прысмака, дзецям было прапанавана выканаць 10 захапляльных заданняў па пошуку згубленнага торта. Кожны атрымліваў картачкі з рознымі заданнямі, дзе трэба было разгадаць шыфр, паставіць знакі прыпынку ў тэксце, адгадаць пантаміму, скласці прымаўкі, знайсці схаваўшыеся словы, адказаць на бліц-пытанні, знайсці адрозненні ў малюнках, адгадаць загадкі і шарады. Дзеці аб’ядналіся ў дружную каманду сапраўдных дэтэктываў і праз некаторы час на стале ўжо красаваўся смачны пачастунак і кубкі з духмянай кавай. Пошукі праходзілі цікава, захапляльна і з запалам.
