Свята музыкі і талентаў
Славіцца зямля лужкаўская таленавітымі людзьмі і ў гэтым яшчэ раз упэўніліся ўдзельнікі свята музыкі і талентаў “Тут мая радзіма, тут пачатак усяго”, які арганізавалі супрацоўнікі Лужкаўскай сельскай бібліятэкі-філіяла і Дома культуры.
Ва ўтульнай зале Дома культуры была аформлена выстава творчых работ, на якой былі змешчаны вышыванкі крыжыкам Вольгі Забела, кветкі з атласных стужак у тэхніцы канзашы Алены Грыдзюшка, маляўнічыя карціны Святланы Палідавец і Вольгі Красавінай, палотны алмазнага россыпу Наталлі Катушонак і Таццяны Краснадубскай.
Прэзентацыя творчых работ таленавітых майстрыц суправаджалася музычнымі нумарамі і сталі невялікім падарункам для прысутных на свяце.
