”Свет сямейных захапленняў“
Перамога сям'і Мікалая і Аляксандры Кудраўцавых у абласным туры конкурсу ”Властелин села-2023“ стала для ўсіх жыхароў нашай мясцовасці радаснай навінай. Застацца ў баку ад гэтай падзеі не змагла і бібліятэка, бо члены сям’і з’яўляюцца актыўнымі чытачамі і мы іх запрасілі на пляцоўку радаснай падзеі ”Свет сямейных захапленняў“.
Пад час сустрэчы сям’я атрымала віншаванні з перамогай і пажаданні моцы, бадзёрасці, упэўненасці і аптымізму, бо іх чакаюць спаборніцтвы на рэспубліканскім узроўні. Мікалай і Аляксандра з’яўляюцца актыўнымі ўдзельнікамі ўсіх мерапрыемстваў для моладзі, якія арганізуюцца ў раёне, захапляюцца рознымі відамі спорту, наведваюць бібліятэку, што з’яўляецца добрым прыкладам для сваіх дзяцей. Акрамя асноўнай працы яны яшчэ паспяваюць весці хатнюю гаспадарку, вырошчваць агародніну, даглядаць кветнікі, ды і ўвогуле, цікава, разнастайна і з карысцю арганізоўваюць свой вольны час.
