Свет ручніковы – скарб адмысловы
Ручнікі – культурныя помнікі нашай зямлі. Гэта і абярэгі, і спадарожнікі жыцця, і паказальнікі дабрабыту нашага народа. Розныя арнаменты на ручніках абласцей нашай рэспублікі сведчаць аб тым, што кожная мясціна нашай Беларусі непаўторная і па-свойму адметная. Трэба вывучаць зямлю, што нам дадзена лёсам, берагчы і памнажаць яе багацце.
З гэтай нагоды ў раённай бібліятэцы прайшла этнагадзіна “Свет ручніковы – скарб адмысловы” з удзелам вучняў 6 класа ДУА “Сярэдняя школа №2 імя Героя Савецкага Саюза Рамана Сцяпанавіча Кудрына”.
Вядучая мерапрыемства біблітэкар І.І. Суднік расказала прысутным пра гісторыю стварэння ручніка, пра тэхналогію вырабу, пра аздабленне ручніка (вышыўка: крыжыкам, гладдзю), пра выкарыстанне ручнікоў (ручнік-уціральнік, ручнік-трапкач, трапкач-пацірач, ручнік-надзежнікі і інш.)
На мерапрыемства запрасілі метадыста ДУК ”Шаркаўшчынскі РЦК“ Блажэвіч Т.І., якая правяла гульні з дзецьмі: танец з ручніком, “полька-забава”, ”бой падушак“.
Напрыканцы мерапрыемста вядучая выказала спадзяване, што пазнаёміўшыся з нацыянальнай адметнасцю і прыгажосцю ручнікоў, з іх нязменнай прысутнасцю ў беларускіх абрадах у дзяцей праявіцца цікавасць да практычнага авалодання сакрэтамі гэтага рамяства.
