СУСВЕТНЫ ДЗЕНЬ БЕЗ ТЫТУНЮ
31 мая адзначаўся Сусветны дзень без тытуню. Да гэтай даты ў бібліятэках ЦБС былі праведзены акцыі ”Мир без табака“ (Навасёлкаўская бібліятэка), ”Жыццё без табака“ (Каўшэлеўская бібліятэка), ”Змагаемся сур’ёзна са шкоднымі звычкамі“ (Буеўшчынская бібліятэка-клуб), ”Курить не модно – дыши свободно“ (Дворнаўская бібліятэка), ”Мы выбіраем здароўе“ (Іёдская бібліятэка).
Бібліятэкары ЦБС расказалі ўдзельнікам пра гісторыю ўзнікнення тытуню, аб шкодзе курэння і пра тое, як уплывае тытунёвы дым на людзей, якія не кураць, калі яны знаходзяцца побач з курыльшчыкам.
Падчас калейдаскопа трывожных фактаў ”Дым, якi адбiрае здароўе“, які адбыўся ў Лужкаўскай бібліятэцы, прысутныя пазнаёмiлiся з трывожнымi фактамi пра курэнне, яго ўздзеянне на чалавека, мiфы, якiя распаўсюджаны сярод курыльшчыкаў, рэальнасць праяўлення тытуню на здароўе акружаючых.
Хацелася б спадзявацца, што пасля праведзеных мерапрыемстваў, прымеркаваных да Сусветнага дня без тытуню, многія задумаюцца пра сваё здароўе, прымуць рашэнне не курыць і весці здаровы лад жыцця.
