Сусветны дзень барацьбы са СНІДам у бібліятэках
Сусветны дзень барацьбы са СНІДам (1 снежня) – дата, якая штогод заклікае ўсю сусветную грамадскасць не проста памятаць пра гэтую пакуль што невылечную хваробу, але і быць памяркоўнымі да тых, хто ўжо з’яўляецца пераносчыкам гэтага захворвання. І, галоўнае, што павінен для сябе зразумець кожны з тых, хто жыве на планеце, – трэба разумець, што прафілактыка вельмі важная ў барацьбе за здароўе.
Бібліятэчныя работнікі ДУК ”Шаркаўшчынская ЦБС“ падтрымалі ідэю згуртавання вакол гэтай праблемы і правялі актыўную інфармацыйна-тлумачальную работу сярод чытачоў розных узростаў з мэтай папулярызацыі ведаў пра СНІД, спосабы барацьбы з хваробай і пра здаровы лад жыцця, ладзячы ў бібліятэках масавыя мерапрыемствы.
На сустрэчу з навучэнцамі 10-11 класаў сярэдніх школ г.п. Шаркаўшчына завіталі ўрач педыятар Шаркаўшчынскай раённай бальніцы Вера Раманаўна Юркевіч і памочнік урача-гігіеніста раённага цэнтра гігіены і эпідэміялогіі Арына Пятроўна Толсцік. У рамках сустрэчы ”Наш выбор –здоровье и жизнь“ медыцынскія работнікі пазнаёмілі падлеткаў са статыстыкай захворвання ў рэспубліцы і Віцебскай вобласці, асноўнымі прычынамі заражэння, распаўсюджваннем ВІЧ-інфекцыі сярод моладзі і падлеткаў.
З чытачамі Васюкоўскай сельскай бібліятэкі сустрэлася фельчар ФАПа Вольга Алегаўна Кенько, якая дала тлумачэнне ВІЧ-інфекцыі, падрабязна распавяла пра яе адрозненні ад СНІДу, мерах засцярогі з мэтай фарміравання ў прысутных адказнасці за сваё жыццё і бяспеку. Для больш поўнай інфармаванасці аб ВІЧ-інфекцыі і СНІДу ў бібліятэцы была аформлена выстава літаратуры ”Не заганяй сябе ў пастку“.
Для навучэнцаў 9 ”Б“ класа ДУА ”Сярэдняя школа №1“ у цэнтральнай раённай бібліятэцы прайшло мерапрыемства пад назвай ”Жизнь без вредных привычек“. Напачатку свайго выступлення бібліятэкар звярнула ўвагу падлеткаў на тое, што СНІД з’яўляецца вострай тэмай сучаснасці, але ў сённяшні дзень тэма СНІДу памеркла на фоне каронавірусу. Але мы не павінны забывацца на гэта, для гэтага трэба весці здаровы лад жыцця і валодаць патрэбнай інфармацыяй. Затым удзельнікі мерапрыемства паглядзелі відэаролік ”Всемирный день борьбы со СПИДом“.
Напрыканцы мерапрыемства сярод удзельнікаў былі распаўсюджаны інфармацыйныя лістоўкі ”Что нужно знать о СПИДе“.
Падчас інфармацыйнай гадзіны “СПИД! Ты не для нас”, якая адбылася у Велікасельскай сельскай бібліятэцы абмяркоўваліся такія пытанні: адкуль можа ўзнікнуць СНІД, чаму падлеткі пачынаюць ужываць наркотыкі, што можа прывесці да заражэння, што рабіць, калі ў падлетка ў жыцці з’явіліся сур’ёзныя праблемы. Падлеткі сталі не толькі слухачамі, але і актыўнымі ўдзельнікамі гутаркі: задавалі пытанні і дзяліліся сваімі ўражаннямі.
У Лужкаўскай сельскай бібліятэцы падчас знаёмства з бібліятэчным квілтам ”Начни с себя – живи безопасно“ прысутныя канкрэтных прыкладах пераканаліся, што сітуацыя ў накірунку барацьбы са СНІДам ў многіх краінах і ў Беларусі даволі складаная. Напрыканцы сустрэчы ўдзельнікі змясцілі невялікія чырвоныя стужкі, як сімвал барацьбы са СНІДам і сімвал памяці пра людзей, якіх забраў СНІД, у сябе на далонях. Гэты атрыбут прызывае ўсіх згуртавацца вакол праблемы, накіраваць свае сілы і веды на бяспечныя паводзіны чалавека ў плане заражэння ВІЧ-інфекцыяй, бо СНІД – гэта не тое нешта далёкае, якое ніколі не спасцігне цябе, а сур’ёзная рэальнасць нашых дзён.
