Сустрэча пакаленняў
У Лужкаўскай сельскай бібліятэцы-філіяле адбылася сустрэча пакаленняў пад назвай ”Верны присяге мы и выполним приказ“, удзел у якой прынялі навучэнцы сярэдняга і старэйшага школьнага ўзросту ДУА ”Лужкаўская сярэдняя школа Шаркаўшчынскага раёна“.
Напачатку настаўніца гісторыі пазнаёміла ўдзельнікаў з геаграфічным становішчам і эканамічнай сітуацыяй тагачаснай Дэмакратычнай Рэспублікі Афганістан. Затым бібліятэкары нагадалі прысутным прычыны пачатку нікім не аб’яўленай вайны, расказалі пра сумесныя ваенныя дзеянні савецкіх войск і ўрадавых войскаў Афганістана, пра адвагу нашых салдат, якія змагаліся ў цяжкіх умовах, але мужна і прафесійна выконвалі свой доўг.
Затым вядучыя падрабязны распавялі пра пяцярых воінаў-інтэрнацыяналістаў, пражываючых на тэрыторыі лужкаўскай зямлі. Успомнілі таксама свайго земляка Мікалая Іосіфавіча Андзілеўку, якому лёс наканаваў жорсткую долю – згарэць у агні чужой вайны і ўжо ніколі не пераступіць парог роднага дома. Аддаючы даніну памяці і павагі загінуўшым, ушанавалі хвілінай маўчаня тых, каго ўжо няма з намі.
Да мерапрыемства была аформлена кніжна-ілюстрацыйная выстава літаратуры ”Афганістан – наша боль“, якія дапамагла чытачам больш даведацца пра страшныя падзеі і адважных герояў той вайны. Значнае месца на выставе было адведзена творам М. Чаргінца. Удзельнікаў зацікавіў аповед бібліятэкара пра лёс пісьменніка, яго творчасць і погляды на жыццё. Дапоўніў выставу матэрыял з фотаздымкамі і стоп-кадрамі з савецкіх дакументальных фільмаў, якія дапамаглі зрокава ўявіць сабе, як праходзілі баявыя дзеянні і вывад войска з Афганістана.
Напрыканцы мерапрыемства адбылося знаёмства са спісам літаратуры ”Эхо Афганской войны“, дзе акрамя мастацкіх твораў былі прапанаваныя і кінастужкі для прагляду ў вольны час.
На працягу мерапрыемства гучалі вершы і песні, прысвечаныя подзвігам воінаў-інтэрнацыяналістаў.
