Сцяжынкамі роднага краю
Супрацоўнікі аддзела абслугоўвання і інфармацыі і сектара бібліятэчнага маркетынгу і сацыякультурнай дзейнасці цэнтральнай раённай бібліятэкі падчас раённага фестывалю ”Праазерскі кірмаш“ арганізавалі інтэрактыўную бібліятэчную пляцоўку.
На пляцоўцы была арганізавана фотозона ”Час чытаць“ і выстава літаратуры ”Сцяжынкамі роднага краю“, дзе былі прадстаўлены матэрыялы аб гісторыі, маляўнічай прыродзе, багатай культурнай спадчыне роднага краю.
З вялікай цікавасцю разглядвалі наведвальнікі пляцоўкі рэтра-фотаздымкі роднай Шаркаўшчыны.
Дзеці і падлеткі з задавальненнем бавілі вольны час, гуляючы ў настольныя гульні, размалёўвалі каляровымі алоўкамі чорна-белыя малюнкі Шаркаўшчыны.Удзельнічаючы ў віктарыне ”Што вы ведаеце пра родны край?“, даказалі, што яны ганарацца родным краем і добра ведаюць яго гісторыю.
