СПАС ПРЫСМАКАЎ ПРЫПАС
19 жніўня праваслаўныя веруючыя адзначаюць свята Праабражэння Гасподняе, якое ў народзе яшчэ называюць Яблычным Спасам.
У гэты дзень у Іёдскай бібліятэцы адбылася тэатралізаваная гульня-віктарына “Спас прысмакаў прыпас”. Прысутных сустракаў спадар Жнівень са сваімі памочнікамі Мядовікам і Садовікам.
Спадар Жнівень звярнуў увагу ўдзельнікаў мерапрыемства на тое, што ў месяцы жніўні адзначаюцца тры Спасы: Мядовы, Яблычны і Арэхавы.
Мядовік распавёў аб Мядовым Спасе і частаваў усіх мёдам.
Садовік пазнаёміў з народнымі традыцыямі святкавання Яблычнага Спаса і прапанаваў перагарнуць старонкі зборніка “Яблыневы сад”, у якім змешчаны вершаваныя творы ўдзельнікаў народнага літаратурнага аб’яднання “Світанак”
Напрыканцы мерапрыемства спадар Жнівень прапанаваў некалькі цікавых конкурсаў, пераможцам якіх уручаліся румяныя сакавітыя яблычкі.
