СПАДАРЫНЯ МАСЛЕНІЦА
У Германавіцкай бібліятэцы сумесна з Германавіцкім цэнтрам культуры і народнай творчасці прайшло свята Масленіцы, на якое былі запрошаны навучэнцы УА ”Германавіцкая дзіцячы сад-сярэдняя школа Шаркаўшчынскага раёна“. Гэта свята можна з упэўненасцю назваць самым вясёлым, народным і сытным святам.
Бібліятэкар разам з культарганізатарам Сямчонак Н.У. паведамілі ўдзельнікам пра гісторыю свята: расказалі пра звычаі і абрады Масленіцы, пра кожны дзень масленічнага тыдня. Падрыхтавалі і правялі з дзецьмі розныя гульні і спаборніцтвы. Але ж якое свята без бліноў? Пах бліноў і травяной гарбаты не даваў пакою ўсім удзельнікам напрацягу ўсяго свята. Бліны — неабходны ”спадарожнік“ Масленіцы. Напрыканцы мерапрыемства усе ўдзельнікі частаваліся блінамі і запівалі гарбатай.
