Сёмуха на Беларусі
4 чэрвеня хрысціянскія вернікі адзначылі дзень Святой Троіцы, які ў народзе называюць Сёмухай, бо святкуецца праз 7 тыдняў пасля Вялікадня.
Загадчыца Буеўшчынскай сельскай бібліятэкі-клуба разам з удзельніцамі фальклорнага клуба ”Скарбніца“ падчас фальклорнай гадзіны” Сёмуха на Беларусі“ прыгадалі традыцыі святкавання Троіцы ў нашай мясцовасці , таксама народныя прыкметы, што можна, а што нельга рабіць на свята.
Напачатку мерапрыемства Наталья Кандрацьева нагадала ўдзельнікам, што сімвалам святочнага дня з’яўляецца бяроза. Яе галінкі нясуць у храм на службу, асвячаюць іх, а потым упрыгожваюць дом. Таму назвалі прыказкі і прымаўкі пра бярозу і адгадвалі загадкі. На Троіцу накрывалі багаты стол і запрашалі гасцей, пяклі каравай. Ежу абавязкова падавалі ў круглым посудзе. У гэты дзень было прынята сватацца. Гэта было звязана з тым, што суджэнцаў чакала вялікае шчасце.
Напрыканцы мерапрыемства ўдзельнікі вадзілі карагод і прыгаворвалі:
”Пайдзём, дзевачкі, у лугі-лужочкі,
Ой маю, маю, маю зеляны.
У лугі-лужочкі завіваць вяночкі.
Заўём мы вяночкі на круглыя гадочкі.
Хто вянкі завівае – той багат бывае,
Хто вянкі развівае – той і бедны бывае!“
Завяршылася фальклорная гадзіна частаваннем гарбатай і пірагом.
