ШЧАСЦЕМ ПРОСТА ЗВАЛАСЯ ЖЫЦЦЁ
У Дворнаўскай бібліятэцы-філіяле № 16 прайшла гадзіна памяці члена Саюза пісьменнікаў Беларусі, былога кіраўніка раённага літаратурна-музычнага аб’яднання “Світанак” Кацярыны Сосна. На мерапрыемства прыйшлі прыхільнік паэзіі і беларускага слова.
Бібліятэкар Таццяна Рамашка пазнаёміла прысутных з творчай біяграфіяй паэткі. Яна адзначыла, што больш 30 гадоў Кацярына Мар’янаўна адпрацавала ў раённай газеце “Кліч Радзімы”. На ўсё жыццё К.М. Сосна захавала вялікую павагу да прафесіі, якая давала ёй шчаслівую магчымасць сустракацца з рознымі людзьмі, а на старонках газеты расказваць пра іх лёс і справы. Шаркаўшчыне і сваім землякам паэтка прысвяціла свае лепшыя літаратурныя творы.
На працягу сустрэчы чыталіся яе вершы. прысвечаныя Радзіме, Айчыне, бацькоўскаму кутку, роднай старонцы, а таксама лірычныя вершы.
