Шчаслівы чалавек
У пачатку кастрычніка адзначыла 65-гадовы юбілей Галіна Парфір’еўна Яблонская, якая больш за 40 год займалася папулярызацыяй кнігі і чытання сярод жыхароў аграгарадка Іёды і яго ваколіц.
Ветлівая, тактычная, камунікатыўная – так характарызавалі некалі бібліятэкара аднавяскоўцы.
Мінулі гады, але Галіна Парфір’еўна зусім не змянілася. У дажджлівы кастрычніцкі дзень яна, нібы сонейка, завітала ў дзіцячую бібліятэку, каб сустрэцца з былымі калегамі.
Падчас сустрэчы старшыня пярвічнай прафсаюзнай арганізацыі ДУК ”Шаркаўшчынская ЦБС“ Вера Мілянцей павіншавала імянінніцу з юбілеем і ўручыла кветкі і падарунак.
Г.П. Яблонкую цікавіла ўсё: асабістыя справы калег і іх дзяцей, агульны стан сістэмы і планы на будучыню. Яна станоўча выказалася і аб рамонце, які быў зроблены ў дзіцячай бібліятэцы.
Дзелячыся ўражаннямі ад паездкі ў г. Маскву і сустрэчы са сваякамі, Галіна Парфір’еўна зазначыла, што ў любым узросце трэба быць аптымістам і дазволіць сабе радавацца жыццю, бо чалавек шчаслівы роўна настолькі наколькі ён вырашыў быць шчаслівым.
