ШАХМАТНЫЯ БАТАЛII
Шахматы ўзніклі ў Індыі. Зараджэнне гэтай гульні авеяна таямніцамі, бо і па сённяшні дзень вучоныя спрачаюцца наконт таго, калі яны з’явіліся. Шахматы развіваюць інтэлектуальныя здольнасці чалавека, трэніруюць памяць і ўвагу. Многія паспяховыя людзі былі вялікімі аматарамі гэтай цікавай гульні.
Вось і ў Радюкоўскай бібліятэцы прайшоў бліц-турнір ”Шахматныя баталіі“. З дапамогай вялікай колькасці самых розных шахматных камбінацый удзельнікі імкнуліся вырашыць зусім няпростыя задачы. Падчас мерапрыемства дзеці вывучалі правілы шахматнай гульні, законы шахматнай логікі. Бібліятэкар прытрымліваецца меркавання, што ”шахматная гульня“ з’яўляецца незамянімым сродкам для станаўлення дзіцяці як асобы. Так што, калі вы хочаце выхаваць у сваім дзіцяці самастойнасць, знаходлівасць, вытрымку, настойлівасць, рашучасць, мэтанакіраванасць і спрыт, навучыце яго гуляць у шахматы.
