Семінар работнікаў бібліятэк
У чэрвені адбыўся семінар бібліятэкараў раёна на тэму ”Сельская бібліятэка як фактар фарміравання сучаснай сацыякультурнай прасторы“.
Супрацоўнікі аддзела бібліятэчнага маркетынгу прапанавалі ўвазе калег метадычныя рэкмендацыі аб арганізацыі ў бібліятэках дасуга сельскага жыхара, правялі кансультаванне па распрацоўцы мэтавых бібліятэчных праграм і праектаў краязнаўчага накірунку. Менавіта гэты накірунак з’яўляецца ў апошні час вельмі актуальным для дзейнасці сельскіх бібліятэк.
Бібліятэкар Зоркаўскай сельскай бібліятэкі падзялілася сваім вопытам работы па бібліятэчнаму абслугоўванню чытачоў і арганізацыі іх вольнага часу. Выступленне бібліятэкара суправаджалася дэманстрацыяй электронной прэзентацыі, якая адлюстроўвала самыя яркія моманты работы бібліятэкі.
Аб тым, як наладжана культурна-дасугавая дейнасць ва ўстанове культуры змешанага тыпу - Буеўшчынскай бібліятэцы-клубе, паведаміла яго загадчыца Наталля Кандрацьева. Асаблівую ўвагу Наталля Віктараўна засяродзіла на апошнім маштабным мерапрыемстве – свяце вёскі Каршункі, якое прайшло з вялікім поспехам і мела самыя станоўчыя водгукі сярод мясцовых жыхароў.
