РЫЦАРУ ЗЯМЛІ БЕЛАРУСКАЙ ПРЫСВЯЧАЕЦЦА
26 лістапада Беларусь адзначае 90-годдзе з дня нараджэння класіка беларускай літаратуры – Уладзіміра Караткевіча.
З цягам часу інтарэс да творчасці Уладзіміра Караткевіча не змяншаецца. Усё больш шырокае кола прыхільнікаў беларускай кнігі цікавяцца яго творчасцю. З гэтай нагоды ў бібліятэках нашай ЦБС аформлены выставы літаратуры.
У Германавіцкай бібліятэцы з нагоды 90-гадовага юбілею У.С. Караткевіча аформлена выстава літаратуры ”Пад ветразем дабра і прыгажосці“, у Навасёлкаўскай бібліятэцы – ”Паэт, пясняр, мастак“, на якіх змешчаныны не толькі творы пісьменніка, але і багаты матэрыял пра Уладзіміра Сямёнавіча: фотаздымкі, нарысы, успаміны, літаратурныя артыкулы.
Звяртаем увагу прыхільнікаў творчасці У.С. Караткевіча, што на нашым сайце ў раздзеле ”Чытачам“ змешчаны аўдыязапіс ўрыўка з рамана ”Хрыстос прызямліўся ў Гародні“. Сон Юрася Братчыка агучыла бібліятэкар дзіцячай бібліятэкі Л.Казіцкая.
