Родны край у вершах і прозе
12 чэрвеня Іёдская сельская бібліятэка адчыніла дзверы для дарослых чытачоў, каб у рамках праекта “Кожная пятніца – роднае сваё!” сустрэцца на літаратурна-лірычнай кампазіцыі “Родны край у вершах і прозе”.
На працягу мерапрыемства чыталі вершы Кацярыны Сосна, Людмілы Ардынскай, якіх, на жаль, няма ўжо з намі. Хваляванне і станоўчыя эмоцыі адчуваем, гартаючы старонкі гэтых кніг. Зацікавілі наведвальнікаў і сучасныя вершы і проза Віктара Лагуна, Міледзія Кукуця. З вуснаў кожнага гучала жывое беларускае слова. У конкурсе на лепш прачытаны верш перамагла Давыдава Вольга Эдуардаўна, а за лепш і з душой прачытаную прозу – Генбіцкая Таццяна Эдуардаўна. З мэтай папулярызацыі творчасці беларускіх пісьменнікаў увазе ўдзельнікаў быў прапанаваны шэраг кніг сучаснай беларускай літаратуры.
