Родная мова, цябе я вучу!
Напярэдадні Міжнароднага дня родной мовы, які адзначаецца 21 лютага, у дзіцячай бібліятэцы-філіяле для вучняў 4 ”А“ класа ДУА ”Сярэдняя школа №1 г.п. Шаркаўшчына“ адбылася сторысек-гульны пад назвай ”Родная мова, цябе я вучу!“
Для ўдзелу ў мерапрыемстве бібліятэкар Людміла Казіцкая раздзяліла ўдзельнікаў на дзве каманды: ”Снягіркі“ і ” Сінічкі“. Гульня складалася з трох прыпынкаў.
На першым прыпынку ”Крокі да роднай мовы. Загадкавы слоўнік“ удзельнікі мерапрыемства, гледзючы на малюнкі, давалі пераклад словам з беларускай на рускую мову. Падчас знаёмства з кнігай Віктара Кажуры ”Патрэбныя рэчы“ каманды ўдзельнічалі ў конкурсе ”Загадкі з назвай“. Хлопчыкі і дзяўчынкі дастаўлялі недастаючыя словы ў вершаваныя загадкі з кніжкі ”Паэтычныя забавы“. На трэццім прыпынку яны адказвалі на пытанні віктарыны ”Старонкі мінулага і сучаснага“. У перапынках паміж конкурсамі ўдзельнікі мерапрыемства гучна чыталі вершы з кніжкі Івана Муравейкі ”Чалавек усміхаецца“.
Пасля падліку ўсіх адказаў перамагла каманда ”Снягіркі".
Падводзячы вынікі гульні, бібліятэкар адзначыла, што кожны павінен адкрыць у сябе дзверцу да роднай мовы, якая ў крыві ад нараджэння. Як?! Размаўляць, пісаць, чытаць, спяваць – гэта і ёсць крокі да роднай мовы!
